Almatyda jylý berý maýsymy aıaqtaldy

ALMATY. QazAqparat – Búgin Almaty qalasynyń ákimdigi jylý berý maýsymy aıaqtalǵanyn málimdedi, dep habarlaıdy QazAQparat tilshisi.

Qala turǵyndary kóktem kelse de, úılerine áli jylý berilip turǵanyn, saldarynan úıdiń ishi ysyp, aýanyń tarylǵany týraly áleýmettik jelide jazdy. Keıbir azamattar úıdiń mundaı temperatýrasyn kótere almaı jatqanyn da jetkizgen.

Atalǵan másele boıynsha Almaty qalasynyń ákimdigi málimdeme jasady.

«Almatyda kúntizbelik bes kún ishinde gırdrometeorologııalyq qyzmet tirkegen syrtqy aýanyń ortasha táýliktik temperatýrasy +8⁰ S jáne odan joǵary bolýyna baılanysty jáne uzaq merzimdi aýaraıy boljamyn nazarǵa ala otyryp, 5 sáýir kúni jylý maýsymyn aıaqtaý týraly sheshim qabyldandy», - delingen vedomstvonyń habarlamasynda.

Eske salaıyq, Almatyda ótken jyly 2 qazan kúni jylý berý maýsymy bastalǵan bolatyn.