Almatyda jyl basynan beri 71 merdigerlik kompanııaǵa 16 mln. teńge aıyppul salyndy
Bul týraly búgin Almaty qalasy ákiminiń orynbasary Bolat Saýranbaev bastaǵan arnaıy jumys komıssııasynyń tirshilikti qamtamasyz etý nysandaryna jasaǵan josparly tekserý reıdi barysynda Almaty qalasy memlekettik sáýlet-qurylys baqylaýy basqarmasynyń basshysy Baqytjan Muhtarov málimdedi.
Onyń aıtýynsha, qazirgi tańda 16 mln. teńgeniń 80 paıyzy, ıaǵnı shamamen 12 mln teńge memlekettiń paıdasyna óndirip alynǵan. Sonyń ishinde 40 paıyzyn merdigerlik kompanııalar óz erkimen tólese, 30 paıyzy boıynsha osy jumysqa tartylǵan jeke sot oryndaýshylary jumys isteýde.
«Almatyda jyl basynan beri 378 nysanda jóndeý jumystary júrgizildi. Olardyń ishinde sý, jylý, gaz, elektr jáne káriz jelileri bar. Qazirgi tańda solardyń ishinde 138 nysanda jóndeý jumystary aıaqtaldy. 183 nysanda jóndeý jumystary aıaqtalýǵa taıaý. 45 nysannyń jumysy kelesi jylǵa qaldyryldy. Óıtkeni, olar joldarda emes, turǵyn úılerdiń aýlasynda ornalasqan. Ókinishke qaraı, 12 nysan boıynsha jumys der kezinde aıaqtalmady. Solardyń ishinde 10 nysannyń jumysy ár túrli sebeptermen ýaqytsha toqtatyldy. Biraq, ústimizdegi jyldyń 20 qazanyna deıin qalada tirshilikpen qamtamasyz etý jelilerindegi jóndeý jumystary tolyǵymen aıaqtalýy tıis», - dedi óz sózinde B. Muhtarov.
Sonymen qatar ol 20 qazanǵa deıin jumysty bitire almaǵan merdigerlik kompanııalardyń lıtsenzııalary alynýy múmkin ekendigin jetkizdi.
«20 qazanda biz bul nysandardy taǵy da aralap, istelingen jumystardyń sapasyn jáne nysandardyń daıyndyǵyn tekserip shyǵamyz. Osy merzim ishinde jumysty tapsyra almaǵan kompanııalarǵa qatysty shara qoldanamyz. ıAǵnı, olar lıtsenzııalarynan aıyrylýy yqtımal. Al osy jumystar boıynsha olarǵa tapsyrys berýshi memlekettik organdar sotqa júgine alady. Sottyń sheshimen merdigerlik uıymdar budan keıin memlekettik satyp alýlar sharasyna qatysa almaýy ábden múmkin», - dedi B. Muhtarov.
Aıta ketelik, tirshilikpen qamtamasyz etý jelileri boıynsha tehnıkalyq qadaǵalaý jumystarymen aınalysqan tórt mekemeniń attestaty alty aıǵa toqtatyldy. Taǵy bir tehnıkalyq qadaǵalaý mekemesiniń attestatyn toqtatý boıynsha sotqa materıaldar jiberildi.