Almatyda jyl basynan beri 50 myń jańa jumys orny ashyldy

ALMATY. QazAqparat – Almatyda bıyl 50 myńnan astam jańa jumys orny ashyldy. Bul týraly onlaın brıfıng barysynda Almaty qalasy Áleýmettik ál-aýqat basqarmasy basshysynyń orynbasary Danııar Álkebaıuly aıtty, dep habaprlaıdy QazAqparat tilshisi.

«Daǵdarysqa qarsy sharalar aıasynda «Jumyspen qamtýdyń jol kartasy» memlekettik baǵdarlamasy júzege asyrylýda, ol boıynsha 216 ınfraqurylymdyq jobada 26 myń jumys ornyn qurý kózdelgen. Qurylatyn jumys oryndarynyń 50%-y halyqty jumyspen qamtý ortalyǵy arqyly jumyssyzdardy jiberý esebinen qamtamasyz etiledi», — dedi Danııar Álkebaıuly.

Búginde shamamen 19,2 myń jumys orny quryldy, jumyspen qamtý ortalyǵy arqyly 9,7 myńnan astam jumyssyz jumysqa ornalastyryldy, jumysqa ornalasqan jastardyń úlesi 3 662 adamdy quraıdy. Qyzmetkerlerdiń ortasha jalaqy mólsheri 92 myń teńge.

«Jumys berýshiler alatyn jalaqyǵa qosymsha birjolǵy materıaldyq kómek tóleıdi. Búgingi tańda 569 qyzmetkerge tólendi», — dedi ol.

Sonymen qatar, aǵymdaǵy jyly «Eńbek» memlekettik baǵdarlamasy boıynsha qoǵamdyq jumystar jospary 3 myńnan 14 myńǵa deıin ulǵaıtyldy. Bul sharany 15,6 myń jumyssyz paıdalandy. Basqa da ýaqytsha jumys oryndaryna 2,6 myń adam ornalasty, onyń ishinde JOO men kolledjderdiń 1,4 myń túlegi jastar praktıkasyna jiberildi.

Sondaı-aq, jumyssyzdardy qysqa merzimdi kásiptik oqytý jalǵasýda, oǵan 1005 adam joldandy. Kýrstar aıaqtalǵannan keıin jumyssyzdar turaqty jumys ornymen qamtamasyz etiledi.

« Bıyl óz bıznesin ashýǵa nemese burynnan barlaryn ilgeriletýge 555 myń teńgeden 1705 adamǵa óteýsiz grant berildi. Negizgi qyzmet túrleri-tigin isi, tamaq daıyndaý, manıkıýr jáne shashtaraz óneri jáne taǵyda basqalary bar»,– dedi spıker.

Osylaısha, memlekettik jáne úkimettik baǵdarlamalar aıasynda qalada 56 223 jańa jumys orny quryldy.