Almatyda jyl basynan 390 adam sýıtsıdke bardy

ALMATY. QazAqparat - Almaty qalalyq psıhıkalyq densaýlyq ortalyǵynda 10 575 adam esepte tur. Bul týraly QazAqparat tilshisine qalalyq Densaýlyq saqtaý basqarmasy basshysynyń orynbasary Nurjan Isabekov aıtty.

Onyń ishinde 363 adam statsıonarlyq jaǵdaıda em alyp jatyr,

2018 jyldyń qańtarynan beri 390 adam sýıtsıd jasamaq boldy, 37 oqıǵa ólimmen aıaqtaldy. 

«Psıhologııalyq asqynýlarǵa maýsymdyq faktorlar da yqpal etedi. Áleýmettik jelide taraǵan kóshedegi jalańash adamdardyń vıdeosyna kelsek, olardyń barlyǵynda psıhologııalyq aýytqý bar dep aıtýǵa bolmaıdy. Bul ýaqyt aǵymymen, adamdardyń ózderine nazar aýdartqysy kelýimen baılanysty der edim. Qoǵamdyq oryndarda júris-turysy aqylǵa qonymsyz, ózińizge jáne aınaladaǵy adamdarǵa qaýip tóndirýi múmkin adamdardy keziktirgen jaǵdaıda quqyq qorǵaý organdaryn jáne mamandandyrylǵan kómek brıgadalaryn shaqyrý qajet», - dedi Nurjan Isabekov.

Sonymen qatar, maman psıhologııalyq aýytqýlar jas ereksheligine baılanysty ekenin atap ótti.

«Aýytqýdyń asqynýyna birinshi kezekte kúızelis áser etedi», - dedi dáriger.