Almatyda júrgizýshi polıtseıdi qaǵyp ketip, iz sýytýǵa tyrysqan

ALMATY. QazAqparat – Almatyda polıtseıdi qaǵyp ketip, iz sýytýǵa tyrysqan júrgizýshiniń ústinen tergeý bastaldy, dep habarlaıdy QazAqparat Rolisia.kz-ke silteme jasap.

Oqıǵa 21 mamyr kúni tańǵy saǵat altyda bolǵan. Toyota kóliginiń júrgizýshisi mas kúıinde Abaı dańǵylymen batys baǵytta kele jatyp, Nazarbaev dańǵylymen qıylysynda polıtsııa qyzmetkerin qaǵyp ketken. Polıtseı atalǵan kólikti jol erejesin buzǵany úshin toqtatyp turǵan.

«Soqtyǵysqannan keıin Toyota júrgizýshisi polıtsııa qyzmetkerleriniń toqtaý týraly zańdy talaptaryna baǵynbaı, jasyryna bastaǵan.

Jeltoqsan men Qurmanǵazy kósheleriniń qıylysynda júrgizýshi baǵdarsham baǵanasyna soǵyldy.

Bul derekti Medeý aýdandyq polıtsııa basqarmasy tergep jatyr», - delingen polıtsııa málimetinde.