Almatyda JOO ustazdary arasynda spartakıada ótti

ASTANA. QazAqparat - Búgin «Sporttyq Almaty» baǵdarlamasy aıasynda Ál-Farabı atyndaǵy QazUÝ sport kesheninde joǵary oqý oryndarynyń oqytýshylary arasynda spartakıada ótti, dep habarlaıdy QazAqparat Aparattyq jáne sporttyq HAB-qa silteme jasap. 

«Rýhanı jańǵyrý» baǵdarlamasy aıasynda ótken jarys sporttyń tórt túrinen uıymdastyryldy.  100-ge jýyq ustaz  shaǵyn fýtbol, toǵyzqumalaq, qol kúresi, arqan tartý, shahmat jáne gir kóterý boıynsha ózara myqtyny anyqtady.  

Reglamentke sáıkes, saıysqa qatysýshy komandalardyń qatarynda áıelder jáne erler bolýy tıis.

Jalpykomandalyq esep boıynsha spartakıada jeńimpazy Abaı atyndaǵy QazUPÝ ujymy atandy. «Kúmisti» UQK akademııasynyń oqytýshylary oljalasa, Narhoz ýnıversıtetiniń komandasy «qolamen» kúpteldi. Jeńimpazdar men júldegerler medaldar, dıplomdar men kýboktarǵa ıe boldy. Sondaı-aq olarǵa kishigirim syılyqtar tabystaldy.

Spartakıadanyń basty maqsaty JOO oqytýshylarynyń arasyndaǵy qarym-qatynasty nyǵaıtyp, úzdik ujymdy anyqtaý jáne de salaýatty ómir saltyna beıimdeý bolyp tabylady.

«Sporttyq Almaty» baǵdarlamasy qaladaǵy buqaralyq sportty damytý maqsatynda júzege asyrylýda.