Almatyda jolaýshylar «OŃAI» kartasynyń teńgerimin uıaly telefon arqyly tolyqtyra alady
Bul týraly búgin «Almaty qalasynyń Kólik Holdıngi» JShS baspasóz qyzmetinen habarlady.
«2016 jyldyń aqpan aıynan bastap, Beeline Qazaqstan klıentteri «OŃAI» kólik kartasynyń teńgerimin komıssııasyz SMS habarlama jáne money.beeline.kz tólem júıesi arqyly tolyqtyra alady», - delingen habarlamada.
«Biz «OŃAI» kartasyn qoldanýdy jolaýshylar úshin óte yńǵaıly etkimiz keledi. Osyǵan baılanysty «Kar-Tel» kompanııasymen yntymaqtastyqty jolǵa qoıdyq. Sonyń arqasynda «OŃAI» kólik kartasynyń teńgerimin Beeline mobıldi telefonynyń teńgerimi arqyly tolyqtyrýǵa múmkindik týdy», - dedi «Almaty qalasynyń Kólik Holdıngi» JShS Basqarma tóraǵasy Rıfat Ábdiramanov.
«money.beeline.kz biregeı tólem servısiniń iske qosylǵanyna nebári bir aıǵa jýyq merzim ótti. Soǵan qaramastan, osy ýaqyt ishinde Beeline klıentteri oǵan erekshe qyzyǵýshylyq tanytty. Biz osy jańa servıs arqyly almatylyqtarǵa «OŃAI» kólik kartasynyń balansyn tolyqtyryp otyrýǵa múmkindik berdik. Qazirgi sátte bul qyzmet testileýden ótkizilip jatyr. Kóp uzamaı Beeline Qazaqstan men «Almaty qalasynyń Kólik Holdıngi» JShS onyń iske qosylǵandyǵyn jarııalaıdy», - dedi óz kezeginde Beeline Qazaqstan kompanııasynyń korparatıvti kommýnıkatsııa boıynsha dırektory Alekseı Bendz.
Esterińizge sala ketelik, 2016 jyldyń 11 qańtarynan bastap, Almaty qalasynyń barlyq qoǵamdyq kólikteri «OŃAI» kólik kartasyna kóshti. Biryńǵaı kólik kartasynyń baǵasy - 400 teńge. Oǵan bir rettik jol aqysy - 80 teńge jáne 320 teńgelik kepildik soma kiredi. Bul soma jolaýshy kartany keri qaıtarǵan jaǵdaıda oǵan qaıtarylyp beriledi. Kólik kartasyn búkil qala boıynsha «OŃAI» japsyrmasy bar saýda núktelerinen jáne júrgizýshiler men kondýktorlardan satyp alýǵa bolady. 2016 jyldyń 11-20 qańtary aralyǵynda «OŃAI» kartasy arqyly 292 891 340 teńgege 4 595 367 tranzaktsııa jasalǵan. 2016 jyldyń 20 qańtaryna qaraı, 776 680 kólik kartasy satyldy.
Olardyń ishinde 419 049 Biryńǵaı kólik kartasy satylyp, 357 631 jeńildetilgen kólik kartasy berilgen.
Búgingi tańda «OŃAI» kólik kartasynyń teńgerimin «QIWI» termınaldary, «Kazkommertsbank» AQ, «Kassa24», «QIWI Koshelek», «Kaspi Bank» AQ, «Bank Tsentr Kredıt» AQ, "SBERBANK" AQ Enshiles bankiniń termınaldary, sondaı-aq «Astana Banki» AQ, "Bank VTB (Qazaqstan)" AQ Enshiles Uıymy, «Capital Bank Kazakhstan» AQ, «Altyn Bank» AQ ( AO «Qazaqstan Halyq Banki» AQ Enshiles banki), «Delta Bank» AQ, «Eksımbank Kazahstan» AQ, «Bank RBK» AQ, "PROFIT LLP" JShS ınternet-bankıngi arqyly tólem jasaýǵa bolady.