Almatyda jolaýshylar avtobýsy 9 jastaǵy balanyń aıaǵyn basyp ketti
Jetinshi arnanyń habarlaýynsha, oqıǵa 9 jastaǵy Borıs Mýsınniń avtobýsqa kirgen sátinde oryn alǵan. Avtobýs ornynan esigin jappaı qozǵalǵan. Osy sátte ashyq esikten syrtqa qaraı qulap ketken bala, týra dóńgelektiń astyna túsken.
Kýágerlerdiń aıtýynsha, avtobýs júrgizýshisi tez arada jedel járdemdi shaqyrýdyń ornyna, óziniń kinásiz ekendigin aıtyp, aqtalýmen bolǵan. Sol sebepten jedel járdemdi kýágerlerdiń ózderi shaqyrǵan.
«Balaǵa tez arada ota jasaýǵa týra keldi. Kóp qan joǵaltqan. Ákelgen kezde óte aýyr halde boldy - dedi balalar klınıkalyq aýrýhanasynyń travmatologııa bólimi meńgerýshisiniń mindetin atqarýshy Darhan Suqbaev.
Zardap shekken jasóspirimniń týystarynyń aıtýlarynsha, olar polıtsııa bólimine aryz túsirgen. Avtobýs júrgizýshisin jaýapkershilikke tartpaq nıette. Ázirge avtobýs tirkelgen avtopark basshylyǵy oqıǵaǵa qatysty eshqandaı túsinikteme bergen joq.