Almatyda jolaýshy maska taǵýyn ótingen avtobýs júrgizýshisiniń qolyn tistep aldy

ALMATY. QazAqparat - Almatyda jolaýshy avtobýs júrgizýshisin maska kııýin ótingeni úshin tistep alǵan. Ákimdik oqıǵaǵa qatysty túsinikteme berdi, dep habarlaıdy QazAqparat tilshisi.«Jolaýshy meni maska taǵýyn ótingenim úshin tistep aldy», – deıdi júrgizýshi.

Qalalyq mobıldilik basqarmasy oqıǵanyń № 54 marshrýttyq avtobýsta bolǵanyn habarlady.

«Oqıǵadan keıin jolaýshy qashyp ketken. Júrgizýshi polıtsııaǵa aryz túsirmeıtinin aıtty. Barlyq jolaýshylardan maska rejımin saqtaýdy suraımyz»,- dep atap ótti basqarmadaǵylar.

Buǵan deıin qalalyq mobıldik basqarmasy, kólik holdıngi men quqyq qorǵaý organdary qyzmetkerlerinen quralǵan monıtorıng toptary jolaýshylardyń sanıtarlyq erejelerdi ustanýyn tekserýdi qolǵa alǵany týraly jazǵan bolatynbyz.

Aıta ketken jón, monıtorıng toby sanıtarlyq erejelerdi buzǵandarǵa aıyppul salyp, shara qoldanýǵa quqyly.