Almatyda jol ınfraqurylymyn qalpyna keltirý jumystary jalǵasyp jatyr
Jol qozǵalysyn retteýdiń tehnıkalyq quraldaryn qalpyna keltirý jumystaryn 13 brıgada júrgizedi. Jalpy, 46 baǵdarsham nysany zaqymdandy. Onyń 38-i jóndeldi. Sondaı-aq 120 jol belgileri búlingen, olardyń 96-sy qalpyna keltirildi.
Kóshe-jol jelisi boıynsha qalpyna keltirý jumystaryn 4 jol brıgadasy bastady. Keshe 90 sharshy metr tósem, 120 metr jıek jáne 37 lıýg qalpyna keltirildi. Tas tósemdi qalpyna keltirýdi 13 qańtarǵa deıin aıaqtaý josparda.
Sonymen qatar, aıaldama pavılondary da búlingen. Barlyǵy 43 aıaldama qırady. Onyń 17-siniń áınekteri túgel synǵan. Jeke kompanııalar da qalpyna keltirýge kiristi, búginde 2 pavılon jóndeldi. Jumystar jalǵasýda.
Sonymen qatar, aldyn ala esepteýler boıynsha 100-ge jýyq velosıped joǵalǵan, 220-sy jóndeýdi qajet etedi.