Almatyda jetinshi balasyna júkti áıel kúıeýimen birge qarý-jaraq urlaǵan

ALMATY. QazAqparat - Almatyda júkti áıel qarý-jaraq dúkenin tonaýǵa qatysqan, dep habarlaıdy Polisia.kz.

Áýezov aýdandyq PB janyndaǵy polıtsııa bóliminiń málimetinshe, jetinshi balasyn kútip júrgen áıel kúıeýine myltyq, tapansha, patrondar jáne basqa da oq-dári urlaýǵa kómektesken.

– Úıdiń ishin tintý kezinde tárkilengenderdiń arasynda toǵyz saıga stvoly, eki myltyq, vıntovka, tapansha, patrondar, rezeńke dýbınka, aǵash bıtalar, saper kúregi men radıostantsııalar boldy. 25 jastaǵy T. esimdi jigit urlanǵan qarý-jaraq salynǵan býmalardy jeke úıiniń aldyndaǵy aýmaqqa kómgen. Sondaı-aq, kúdiktiniń mingen kóligi de anyqtaldy. Bul kezde onyń qasynda áıeli bolǵan, ol kúıeýiniń oılanbaı jasaǵan áreketin, qylmys jasaýyn toqtatýdyń ornyna urlanǵan zattar salynǵan jáshikterdi kólikke tıeýge belsene kómektesken, – dedi Almaty qalalyq polıtsııa departamenti basshysynyń orynbasary Berik Ábilbekov.

Zattaı aıǵaqtar tárkilendi.

Atalǵan derek QR QK-niń 291-baby 3-bóligimen kvalıfıkatsııalanǵan.

Áıeldiń áreketine quqyqtyq baǵa beriledi.