Almatyda jerasty ótkelin sý basty
Qala turǵyndary Abylaı han men Gogol kósheleriniń qıylysyndaǵy jerasty jaıaý júrginshiler ótkeliniń tóbesinen sý aǵyp jatýyna baılanysty shaǵymdandy.
Almaly aýdany ákimdiginiń málimetinshe, 2018 jyly jerasty ótkelin jóndeý barysynda, onyń tóbesine gıdrooqshaýlaǵysh ornatylmaǵan.
«Biz Abylaı han kóshesindegi aryq jelisiniń boıymen sý jibergende, osy jerasty ótkeliniń tóbesiniń shyǵys jaǵynan sý kete bastaıdy. Bul jaǵdaı sý aǵyny kóp mólsherde kelse ǵana bolady. Sol sebepti sýdyń ketip jatqan jerin anyqtaý úshin ádeıi kóp mólsherde sý jiberemiz. Ázirge sýdyń qaıdan ketip jatqany belgisiz. Sondyqtan sýdyń ketip jatqan jerin anyqtap, ony joıý úshin jol tósemin ashý kerek sekildi», - dep habarlady Almaly aýdany ákimdiginiń abattandyrý bólimi.