Almatyda jer silkinisi bolǵan kezde qaıda barý kerek
12:04, 26 Maýsym 2018
ALMATY. QazAqparat - Almatyda tótenshe jaǵdaılar qyzmetiniń mamandary tótenshe jaǵdaıdyń saldaryn joıýǵa daıyndyǵyn kórsetti, dep habarlaıdy QazAqparat tilshisi.
Almaty seısmıkalyq qaýipti jerde ornalasqan. Sońǵy ýaqytta qalada qatty jer silkinisi jıi bolmasa da qala halqy shuǵyl qyzmetterdiń daıyndyǵyna únemi alańdaýshylyq bildiretini belgili.
Qalalyq TJD mamandary jyl saıyn seısmıkalyq jattyǵýdan ótedi.
«Almatyda qatty zilzala bola qalǵan jaǵdaıda tótenshe jaǵdaıdyń saldaryn joıý úshin Almaty jáne aımaqtardan shuǵyl áreket kúshteri tartylady. Almatyda qala ákimiminiń 2018 jylǵy 5 qańtaryndaǵy №1 ókimimen zardap shekkenderdi qabyldaıtyn 220 oryn jasaqtalǵan. Pýnktterde shatyr, azyq-túlik, aýyz sý, medıtsınalyq-psıhologııalyq kómek shoǵyrlandyrylǵan. Qabyldaý pýnktteri týraly qalalyq TJD saıtynda jarııalanǵan»,- dedi TJD mamandary.