Almatyda JEO-2-ni jańǵyrý tarıfterdi 25-34%-ǵa qymbattatady

ALMATY. QazAqparat – Búgin ótken onlaın konferentsııa barysynda Almatynyń №2 Jylý-elektr ortalyǵy qaıta jańǵyrtylǵan soń tarıfteri qanshalyqty ózgeretindigi aıtyldy, dep habarlaıdy QazAqparat tilshisi.

«Qazirgi tańda «Samuryq-Energo» AQ jobanyń tehnıkalyq-ekonomıkalyq negizdemesin jasap jatyr. Oǵan sáıkes JEO-2 qazandyqtarynda kómir ornyna gaz jaǵý qarastyrylǵan. Ol aýaǵa bólinetin kúkirt dıoksıdi, kúl, taǵy basqa zattardyń 83%-ǵa (qazirgi 37 myńnan 6 myńǵa deıin) azaıtýǵa múmkindik beredi», - dedi QR Ekologııa, geologııa jáne tabıǵı resýrstar mınıstrliginiń Ekologııalyq retteý jáne baqylaý komıtetiniń tóraǵasy Zulfyhar Joldasov.

Jobanyń quny – 98 mlrd teńge. Bul jaǵdaıda tarıfterdiń 34%-ǵa, 8,7 teńgeden 11,6 teńgege qymbattaıtyny esepteldi.

«Ortalyqta qazandyqtar 12 metr tómen ornalasqan. Nóldik bıikten gaz qazandyǵyn ornatý jóninde bir jol bar. Ekinshi jaǵdaıdy kómirmen isteıtin agregattarǵa sapaly tazalaý fıltri qoıylady. Bul zııandy bólshekterdi jylyna 37 myń tonnadan 11 myń tonnaǵa azaıtýdy qamtamasyz etedi. Atap aıtqanda, kúkirt dıoksıdi 86%-ǵa, shań 80%ǵa azaıady. Eseptesek tarıf 25%-ǵa kóteriledi. Jylý aqysyn 8,7 teńgeden 10,9 teńgege qymbattaıdy», - dedi komıtet basshysy.

Sondaı-aq, Almaty oblysy Ótegen batyr kentindegi JEO-3 da osylaı jańǵyrtylýy tıis. Sebebi bul ortalyq aýaǵa shyǵaratyn zııandy zattar JEO-2-niń shyǵaratynyyń úshten birine teń.

Onlaın konferentsııaǵa QR Ekologııa, geologııa jáne tabıǵı resrýstar mınıstri Maǵzum Myrzaǵalıev, Almaty ákiminiń birinshi orynbasary Erlan Qojaǵapanov, ekologııalyq belsendiler qatysyp jatyr.

Eske sala ketsek, jıynda qaladaǵy eki jylý ortalyǵynyń qashan gazǵa aýystyrylatyny aıtyldy.