Almatyda Jeńis kúnine arnalǵan otshashý máselesi sheshilip jatyr

ALMATY. QazAqparat - Almaty qalalyq ardagerler keńesiniń tóraǵasy Ahan Bıjanov brıfıng barysynda «merekege oraı otshashý bola ma?» degen saýalǵa jaýap berdi, dep habarlaıdy QazAqparat tilshisi.

«Otshashýǵa keler bolsaq, qazirgi ýaqytta bul saýal tıisti organdarmen sheshilip jatyr. Aldaǵy ýaqytta BAQ ókilderine habarlaımyz. Áli ýaqyt bar. Kúte turaıyq. Munda qaýipsizdik, qarjylyq jáne uıymdastyrý máselesi bar. Osynyń bári eskerilip, bir sheshimge keletin bolamyz»,- dedi ol.

Buǵan deıin Nur-Sultan qalasynyń mádenıet basqarmasy 7 jáne 9 mamyr kúnderi merekelik otshashý bolmaıtynyn málim etken edi.

Qazirgi tańda Almatyda 75 soǵys ardageri bar. Olarǵa 9 mamyrǵa deıin 1 mln teńgeden tólenetin boldy.