Almatyda Jeńis kúnine arnalǵan merekelik sharalar ótip jatyr
Basty shara tańǵy 10.00-de 28 qaharman panfılovshylardyń Dańq memorıalyna gúl shoqtaryn qoıyp, Uly Otan soǵysynda qaza tapqandardy bir sát únsizdikpen eske alý qoıý rásiminen bastaldy. Buǵan deıin habarlaǵanymyzdaı, Elbasy Nursultan Nazarbaev qatysyp, ardagerlerdi quttyqtady. Atalǵan parkte arnaıy kontserttik shara uıymdastyrylyp, áskerı-dala ashanasy jaıylǵan. 28 qaharman panfılovshylar saıabaǵyndaǵy shara keshki 20.00-de Astana alańynda jeńis kúnine arnalǵan merekelik kontsertke ulasady. Oǵan Almaty qalasy ákimdiginiń estradalyq-sımfonııalyq orkestri men Qazaqstannyń estrada juldyzdary qatysady. Al 22.00-de Astana alańy men «Saıran» kóli jaǵalaýy men Kóktóbeden merekelik otshashý shashylady.
Qazirgi kezde Almatyda 1913 Uly Otan soǵysynyń ardagerleri men 21 721 eńbek maıdanynyń ardagerleri turady. Bıylǵy jyly UOS ardagerlerine 30 myń teńgelik kómek berip turý úshin 57 mıllıon 390 myń teńge bólingen. Al, eńbek ardagerleriniń zeınetaqysyna aı saıyn 1512 teńge qosymsha qalalyq járdemaqy berilip turady.