Almatyda «Jeltoqsan» saıabaǵy ashyldy

ALMATY. QazAqparat - Búgin Almaty qalasy ákiminiń orynbasary Erjan Babaqumarovtyń, zııaly qaýym jáne qoǵam ókilderiniń qatysýymen Túrkisib aýdanynda «Jeltoqsan» saıabaǵy saltanatty túrde ashyldy dep habarlaıdy QazAqparat tilshisi.

«Jeltoqsan» saıabaǵy Almaty qalasynyń ákimi Baqytjan Saǵyntaevtyń sheshimimen ashyldy. Qalanyń soltústik bóliginde ornalasqan saıabaqtyń aýdany 100 gektar.

2020 jyly koronavırýs indetine qaramastan saıabaq salýdyń alǵashqy kezeńi júrgizildi. Saıabaq ishinde 8 balalar jáne 7 sporttyq alań bar.

2021 jyly saıabaqty salý jumystary jalǵasyn tabady. Qala ákiminiń tapsyrmasy boıynsha, saıabaqtyń aldaǵy ýaqyttaǵy jospary jeltoqsanshylar uıymdarynyń basshylary jáne sol mańda turatyn turǵyndardyń pikirin eskere otyryp qabyldanady.

«Kele jatqan Tákelsizdik meıramymen quttyqtaımyn! 1986 jylǵy oqıǵanyń bárimiz úshin mańyzy zor. Ol Qazaqstannyń Táýelsizdiginiń qalyptasý tarıhynda jáne halyqtyń jadynda qalary sózsiz», - dedi ashylý rásiminde Erjan Babaqumarov.