Almatyda jazýshy, ǵalym Ábilfaıyz Ydyrysov týraly kitaptyń tanystyrylymy ótti
Atalmysh sharaǵa Ábilfaıyz aǵanyń ózi, ýnıversıtet basshylyǵy, memleket jáne qoǵam qaıratkerleri, qarymdy qalamgerler, ýnıversıtet oqytýshylary men stýdentteri qatysty.
«Qazaq jýrnalıstıkasynyń ardageri, Qazaqstan Respýblıkasyna eńbek sińirgen qaıratker, professor Ábilfaıyz Ydyrysov aǵamyz bıyl 85 jasqa tolyp otyr. Ol osy ál-Farabı atyndaǵy Qazaq ulttyq ýnıversıteti Jýrnalıstıka fakýltetiniń túlegi. Ómiriniń jarty ǵasyrǵa jýyq ýaqytyn osy joǵary oqý ornyna arnady. Talaı jýrnalıst mamandardy tárbıelep shyǵardy. Meniń de qadirli ustazym. Aǵamyzdyń ómiri men eńbek joly búgingi urpaqqa úlgi-ónege. Ol gazetti bezendirý, túrlendirý óneriniń negizin salyp bergen kisi. Osy salaǵa qatysty oqý quraldaryn shyǵardy. Qazir tehnologııa qansha damydy desek te, bul kitaptar óziniń mańyzdylyǵyn joıǵan joq», - dedi óz sózinde ál-Farabı atyndaǵy QazUÝ Jýrnalıstıka fakýltetiniń dekany, aqyn, tarıhshy Saǵatbek Medeýbek.
Esterińizge sala ketelik, Ábilfaıyz Ydyrysov 1930 jyly 23 aqpanda Qostanaı oblysynyń Amangeldi aýdanyndaǵy Egindisaı aýylynda týǵan. Jazýshy, jýrnalıst, pedagog, tarıh ǵylymdarynyń kandıdaty. Óziniń eńbek jolyn «Qazaqstan pıoneri» gazetiniń redaktsııasynda ádebı qyzmetker retinde bastap, bas redaktor qyzmetine deıin kóterilgen. Sondaı-aq, radıoda, respýblıkalyq basylymdarda tynymsyz eńbek etti.
Óziniń shyǵarmashylyq eńbek jolynda 800-den astam pýblıtsıstıkalyq maqalalar, ocherkter, oqýlyqtar, «Qazaq jýrnalıstıkasynyń tarıhy», «Ocherk jýrnalıstıka janry retinde», «Baspa ónimderin ásemdeý» taǵy basqa da pánder boıynsha ádistemelik quraldar daıyndady.
Ábilfaıyz Ydyrysovtyń derekti «Tańsholpan» romanynyń avtory retinde de tanymal tulǵa.