Almatyda jazǵy kafelerdiń jumys isteýine ruqsat berilýi múmkin
«Qazir naǵyz jumys isteıtin ýaqyt. Biz jergilikti atqarýshy organdarǵa baılanysty qandaı qoldaý sharalaryn qabyldaı alatynymyz týraly talqylaýdy belsendi júrgizip jatyrmyz. Byltyr Almaty ákimi Baqytjan Saǵyntaev qoǵamdyq tamaqtanýǵa ýaqytsha qurylymdardy, ústelderdi, jazǵy alańdardy qandaı da bir ruqsat qujattarynsyz qoıý múmkindigine kelisim berdi. Biz bul máseleni qaıta qozǵadyq. Qala ákimi qoldady», - deıdi Erkebulan Orazalın.
Sonymen qatar, ol daıyn ónimdi qoǵamdyq tamaqtaný aldynda shyǵarý máselesin qarastyryp jatqandaryn aıtty.
«Men jaqynda lokdaýnnan shyǵamyz dep úmittenemin jáne bul múmkindik jalpy tamaqtaný oryndaryna beriledi. Sondaı-aq, daıyn ónimdi qoǵamdyq tamaqtaný aldynda shyǵarý máselesin qarastyryp jatyrmyz, bálkim, mundaı múmkindikti de usynatyn shyǵarmyz», - deıdi basqarma basshysy.
Óz kezeginde, Qazaqstan restoratorlar klýby qaýymdastyǵynyń prezıdenti Gúlnar Kátibaeva bul ıdeıanyń kásipkerlerge aıtarlyqtaı qoldaý bolatynyn jetkizdi.
«Ǵımarat ishinde kóp adamdy jınaý qaýipti. Meıramhanalarǵa qalaı da kómektesý kerek. Ákim syrtqa ústel, oryndyq qoıýǵa ruqsat berdi. Kásipkerler meıram kúnderi jazǵy oryndar ashylatynyn oılap azyq-túlikti kóptep alyp qoıdy. Tipti Naýryz kójege qajetti zattardy da alyp qoıǵandar bar. Al olar tez buzylatyn taǵam. Shyǵyn kóp», - dedi ol.