Almatyda jasyl jelek nege aryq sýymen sýǵarylmaıdy
«Almatyda aryq jelileri boıynsha shaǵym kóp. Qurylys salasy qarqyndy damyǵan ýaqytta Almatyda aryq jelileri buzylyp, úlken problemaǵa aınaldy. Sý jınalyp qalatyn oryndardy anyqtadyq. Bul núkteler ál-Farabı kóshesinde, Abaı kóshesinen joǵary jerde de bar. Eger buryn aryq sýy Esentaı ózenine, Úlken nemese Kishi Almaty sýyna qosylatyn bolsa, jańa ekologııalyq kodeksten soń biz sýdy qalanyń tómengi aımaǵyna bura bastadyq», - dedi qalalyq tabıǵı resýrstar jáne tabıǵat paıdalanýdy retteý basqarmasynyń basshysy Áset Masabaev.
Onyń aıtýynsha, qalada 1200 shaqyrymǵa sozylǵan aryq jelisi bar.
Qala bıligi jasyl jelekti aryq sýymen sýǵaramyz degen oıda bolǵan edi. Alaıda, buǵan birqatar máseleler kedergi bolyp tur.
«Aryqtarǵa sý jibersek, qalanyń tómengi jaǵyn, Raıymbek, Maqataev kóshelerinen tómen qaraı sý alyp ketedi. ıÝjnyı saıabaǵyn, Botanıkalyq baq, QazUÝ saıabaǵy, Gagarın kóshesiniń boıyndaǵy baq kanaldaryn qalpyna keltirýge tyrystyq. Bul - R-2, M-3, M-1 kanaldary. Biraq bul kanaldar Almaty oblystyq aýyl sharýashylyǵy basqarmasyna qarasty uıymǵa tıesili eken. Qalaısha bulaı boldy? Sol jaǵy tekserilip jatyr», - dedi Á.Masabaev.
Ákimdik atalmysh uıymdy óz qaramaǵyna almaqshy. Alaıda bul kóp qarjyny talap etedi.
Ázirge aryqtar jartylaı ǵana sýǵarýǵa paıdalanylyp otyr.
«Jarokov, Rozybakıev kóshelerinen sý jibersek, qalanyń tómengi jaǵy sýǵa batyp qalady. Almaly aýdanyndaǵy aryqpen sý jibersek, Jetisý, Túrksib aýdandaryndaǵy aryqtar sýǵa tola bastaıdy. Qatty nóser jaýǵan kezde, aryq 1,5-2 saǵat qana qyzmet etedi. Odan ary sý arnasynan tasyp ketedi. Jasyl jelekti sýǵarýǵa 3 saǵat sý jiberiledi. Aryq jelisi oǵan múlde shydas bermeıdi», - dedi ol.
Almaty bıligi aryq jelileri arnalaryn baqylaýda ustaıtyn kásiporyn jasaqtaýǵa ynta bildirip otyr.
«Basqa aımaqtarda bógenderdiń shydas bermeı, jarylǵanyn kózimiz kórdi. Almatyda osyndaı qaýipti 30 ýchaske bar. Olardyń 11-i boıynsha jobalyq-smetalyq qujattama jasalyp jatyr. Bolashaqta problemanyń aldyn alý úshin», - dedi Á.Masabaev.