Almatyda jasóspirimder fýtbol týrnırinde tóbeles shyǵardy

ALMATY. QazAqparat – Almatyda fýtbol týrnıri kezinde jasóspirimder arasynda tóbeles shyqty, dep habarlaıdy QazAqparat tilshisi.

Áleýmettik jelide bir-birimen tóbelesip júrgen jasóspirimderdiń vıdeosy shyqty. Vıdeo astyndaǵy jazbada janjal Orbıta shaǵyn aýdanynda bolǵany týraly jazylǵan.

Almaty qalalyq polıtsııa departamentinde atalǵan oqıǵa boıynsha Bostandyq aýdandyq polıtsııa basqarmasy tergeý júrgizip jatqanyn habarlady.

«Oqıǵanyń mán-jaıyn bilý úshin tóbeleske qatysýshylar polıtsııa basqarmasyna jetkizildi. Olardyń áreketine quqyqtyq baǵa beriletin bolady. Sonymen qatar, istiń mán-jaıyn anyqtaý úshin mektep oqýshylary arasyndaǵy fýtbol týrnıriniń uıymdastyrýshylary polıtsııaǵa shaqyryldy»,- dep habarlady qalalyq polıtsııa departamentiniń baspasóz qyzmetinde.