Almatyda jas qutqarýshylar jarysy ótti

ALMATY. QazAqparat – Almatyda jas qutqarýshylar jarysynyń fınaldyq saıysy ótti. Oǵan 16 jalpy bilim beretin mektep pen lıtseıdiń 1600-den astam oqýshysy qatysty. Komandalarda uldarmen qatar qyzdar da bar, dep habarlaıdy QazAqparat tilshisi.

Saıys birneshe kezeń boıynsha ótti. Jas qutqarýshylar órt tehnıkasyn jaýyngerlik ornalastyrý, zardap shegýshige alǵashqy medıtsınalyq kómek kórsetý jáne ony tasymaldaý, sýdan aspaly ótkel arqyly ótý syndy tapsyrmalardy oryndady.

«Jarys ótkizý tájirıbesi kórsetkendeı, jarysqa qatysýshylar tótenshe jaǵdaılarda (jer silkinisi, órt jáne t.b.) durys áreket etý, fızıkalyq jáne psıhologııalyq daıyndyq boıynsha praktıkalyq bilim alady. Mundaı is-sharalar qajet bolǵan jaǵdaıda halyqty qorǵaýǵa, durys daǵdylar qalyptastyrýǵa, azamattyq kózqaras tárbıeleýdegi eń tıimdi elementterdiń biri», - dep atap ótti Almaty qalalyq Tótenshe jaǵdaılar departamentinen.

Komandalyq jarys qorytyndysy boıynsha, № 157 mektep birinshi oryndy ıelendi. Ekinshi oryndy № 47 jalpy bilim beretin mektep oqýshylary jeńip aldy, úshinshi oryn № 59 mektep komandasynyń qorjynyna tústi. Jeńimpazdar men barlyq qatysýshylarǵa alǵys hat pen kýbok tabys etildi. Endi qalalyq jarystardyń jeńimpazdary osy jyldyń maýsym-shilde aıynda Kókshetaý qalasynda ótetin respýblıkalyq jarysta baǵyn synaıtyn bolady.