Almatyda jappaı júgirý sharasy ótti

ALMATY. Mamyrdyń 15-i. QazAqparat /Erbol Azanbek/ - Búgin Almatyda Medeý aýdany ákimdiginiń uıymdastyrýymen Uly Jeńistiń 65 jyldyǵyna arnalyp, jappaı júgirý sharasy ótti, dep habarlaıdy QazAqparat.

Uzyndyǵy 4,5 shaqyrymdyq júgiris jolyna aýdan ákimi Mahambet Beıdalımen qatar, aýdan turǵyndary jáne orta mektepterdiń 8-10 synyp oqýshylary shyqty. Aýdan ákiminiń aıtýynsha, dene tárbıesi men buqaralyq sportty damytý Elbasynyń bıylǵy Joldaýynda aıtylǵan basym baǵyttardyń biri. Bul rette memlekettik tapsyrystar júıesine aýdandyq, oblystyq jáne respýblıkalyq deńgeıde sporttyq is-sharalardy uıymdastyrý jáne ótkizý engizilgen bolatyn. «Búgingi jarys osy jospar aıasynda jastar men turǵyndar arasynda buqaralyq sportty nasıhattaý maqsatynda Uly Jeńistiń 65 jyldyǵyna arnalyp ótkizilip otyr», deıdi aýdan ákimi.