Almatyda jańajyldyq otshashý bola ma

ALMATY. QazAqparat- Almatyda Jańa jylǵa arnalǵan merekelik otshashý bolmaıdy, dep habarlaıdy QazAqparat tilshisi.

Bul týraly Almaty qalasynyń ákimdigi málim etti.

«Almatyda koronavırýs ınfektsııasy taralýynyń aldyn alý jónindegi qalalyq shtabtyń habarlaýynsha, COVID-19 boıynsha epıdemıologııalyq ahýaldyń nasharlaýyna baılanysty ári adamdar kóp shoǵyrlanǵan oryndarda azamattardyń juqtyrý jaǵdaılarynyń aldyn alý maqsatynda Almatyda 31 jeltoqsanda merekelik otshashý josparlanbaıdy»,- delingen ákimdik taratqan aqparatta.

Desek te, 25 jeltoqsannan qańtar aıynyń sońyna deıin megapolıste 60-tan astam túrli is shara ótedi. Onyń ishinde balalarǵa arnalǵan erteńgilikter, teatr qoılymdary, kontsertter bar.

Jańa jylǵa arnalǵan mádenı is-sharalardyń baǵdarlamasymen Almaty qalalyq mádenıet basqarmasynyń Instagram paraqshasynan tanysýǵa bolady.