Almatyda jańa jylda týǵan náresteler arasynda erekshe esimder kezdesedi

ALMATY. QazAqparat - Almatyda jyl basynan beri 500-den astam bala dúnıege keldi. Olardyń arasynda esimderi erekshe náresteler bar, dep habarlaıdy QazAqparat tilshisi.

«1-8 qańtar aralyǵynda 553 sábı dúnıege keldi. Ár mınýt saıyn jańa týǵan náresteler sany artyp keledi», - dedi Almaty qalasy Ádilet departamentiniń tirkeý qyzmeti salasyndaǵy ádistemelik qamtamasyz etý jáne baqylaý bóliminiń bas mamany Maııa Dúısenbinova.

Sonymen qatar, ol jańa týǵan nárestelerdiń ata-analary tańdaǵan 2021 jyldyń sırek esimderin atady. Bul Deıa, Mııasara, Iasın, Aglaıa, Anfal, Kózaıym, Samǵar, Zeın, Rıanna, Adalın.

Byltyr, 01.01.2020 - 01.08.2020 aralyǵynda 644 bala dúnıege kelgen.