Almatyda Jańa jyl merekesi qalaı toılanady
Atap aıtqanda, 20 jeltoqsannan 5 qańtarǵa deıin Respýblıka Saraıynyń aýmaǵynda jańa jyldyq festıval ótedi.
Festıval aıasynda Abaı alańynda 26 kishi sáýlet pishinder, túrli dúkenderi men meıramhanalary bar 30 úı, sondaı-aq fotoaımaqtar ornatyldy. Sondaı-aq qazaqstandyq estrada juldyzdarynyń qatysýymen kontsertter josparlanǵan:
- 29 jeltoqsan saǵat 18:40-ta sahnada Ninety one tobymenAsialaıv-bendóner kórsetedi;
- 30 jeltoqsanda saǵat 18:40-ta NazimajáneAva Bandlaıv-bendsahnada ónerin usynady:
- 3 qańtarda saǵat 18:40-ta laıv-bendGuinnessónerin tamashalaýǵa bolady.
Negizgi mádenı sharalar 31 jeltoqsanda «Astana» alańynda – saǵat 21:00-23:50 aralyǵynda uıymdastyrylady. Qazaqstandyq estrada juldyzdarynyń qatysýymen merekelik kontsert josparlanǵan. Keshtiń júrgizýshileri Danııar Batyrbaev, Dáýlet Bıjanov jáne Anar Batyrhan. Sahnada Abaı Begeı, Mádına Sádýaqasova, Móldir Áýelbekova, Rano Omarova, Parvız Nazarov, Luina, Ashat Tarǵyn, Dımash Dáýletov, Nursultan Nurberdıev, «Orda», Ninety One, «KeshYou», «Jigitter», «Shamıs» toptary, Búrkit pen Aısha, Álı Oqapov, Mádı Rymbaev ánnen shashý shashady. Prezıdenttiń quttyqtaý sózinen keıin qalada 10 mınýtqa jalǵasatyn merekelik otshashý bolady.
Jańajyldyq festıval qazaqstandyq dızaınerler men qolónershiler jasaǵan buıymdardyń jármeńkesine jalǵasady.
Eske salsaq, qalanyń bas shyrshasy Abaı alańynda ornalasqan. Onyń bıiktigi 22 metr. Shyrsha 350 oıynshyq jáne 10 myń merekelik gırlıandamen bezendirilgen.
Qalada barlyǵy 8 jasandy shyrsha qoıylǵan. Ornalasqan jerleri: «Almaty Arena» muz saraıynyń aldyndaǵy alań; «Astana»alańy; Abaı alańy; N. Sats atyndaǵy balalar men jasóspirimder teatry aldyndaǵy alań; Balýan Sholaq atyndaǵy sport jáne mádenıet saraıynyń aýmaǵy; Tuńǵysh Prezıdent saıabaǵy; Ǵ. Músirepov atyndaǵy balalar men jasóspirimder teatrynyń aldy; QBTÝ ǵımaratynyń aldyndaǵy alań.
Almatyda 5 tegin muz aıdyny ashylǵan - Tuńǵysh Prezıdent saıabaǵynyń aldynda, Respýblıka Saraıynyń aldynda, Áýezov aýdanyndaǵy Yqylas, 9 mekenjaıdaǵy Taýgúl yqshamaýdanynda, Naýryzbaı aýdany ákimdiginiń aldynda, Túrksib aýdanyndaǵy Seıfýllın kóshesi, 13 mekenjaıdaǵy №6 Oqýshylar úıi aldynda. Jaqyn arada Jetisý aýdanyndaǵy «Gúlder» saıabaǵynda taǵy bir muz aıdyny ashylady.