Almatyda jańa velojol ashyldy
14:32, 19 Qazan 2022
ALMATY. QazAqparat – Almatyda Seıfýllın kóshesiniń boıynda jańa velojol ashyldy, dep habarlaıdy QazAqparat tilshisi.
Almaty qalasy ákimdiginiń málimetinshe, Almatyda Seıfýllın kóshesiniń boıynda, ıaǵnı, Bógenbaı batyr kóshesi men Abaı dańǵyly aralyǵynda batys baǵyttaǵy joldardy ortasha jóndeý aıasynda velojol salynǵan.
«Jalpy, qalada 79,2 shaqyrym veloınfraqurylym salyndy. Jol qozǵalysyna qatysýshylardyń qaýipsizdigin qamtamasyz etý maqsatynda velojoldardy avtokólikterdiń júris bóliginen bólý úshin 2 myńnan astam jol blokatory ornatyldy»,- dep habarlady ákimdikten.
Jańa velojoldyń vıdeosy áleýmettik jelide jarııalandy.