Almatyda jańa saıabaq salynady

ALMATY. QazAqparat- Almatynyń Jetisý aýdanynda naýryz aıynda jańa saıabaqtyń qurylysy bastalady, dep habarlaıdy QazAqparat tilshisi.

«Byltyr «Aınabulaq - 1», «Aınabulaq - 3» yqsham aýdandarynyń skverleri jáne «Gúlder» parki óndeýden ótti. Sýarý júıeleri jańartylyp, jaryq tartyldy. Skeıt-parkter uıymdastyrylǵan 2 jańa jastar alańy ashyldy. Zamanaýı strıtbol, basketbol, voleıbol jáne vorkaýt alańdary jabdyqtaldy. Bıyl naýryz aıynda «Kemel» shaǵyn aýdanynda jańa parktiń qurylysyn bastap, jyldyń sońyna deıin aıaqtaýdy kózdep otyrmyz»,- dedi Erbolat Dosaev.

Sonymen qatar ákim «Halyq qatysatyn bıýdjet» jobasy aıasynda 2022 jyly aýdanda 23 joba iske asyrylǵanyn atap ótti.

«Onyń ishinde balalar men sport alańdary jóndelip, qoǵamdyq keńistikter ashyldy. 2023 jyly sizderdiń ótinimderińiz boıynsha 800 mln teńgege 17 jobany iske asyrý jospardy»,- deıdi Erbolat Dosaev.

Byltyr Almatynyń shetki aýdandarynda alty saıabaq salynatyny aıtylǵan edi.