Almatyda jańa órt sóndirý deposy ashyldy

ALMATY. QazAqparat - Almatyda QR Táýelsizdiginiń 30 jyldyǵyna oraı jańa órt sóndirý deposy ashyldy. Sharaǵa QR Tótenshe jaǵdaılar birinshi vıtse-mınıstri Ibragım Kúlshimbaev pen Almaty ákimi Baqytjan Saǵyntaev qatysty, dep habarlaıdy QazAqparat tilshisi.

Megapolıs ákimi Baqytjan Saǵyntaev órt sóndirý deposynyń, TJD qyzmetkerleri men ardagerlerin eń basty mereke – 30 jyldyq mereıtoıymen ári erekshe mánge ıe Táýelsizdik kúnimen quttyqtady.

«Táýelsizdiktiń arqasynda elimiz, qalamyz ósip, damyp keledi. Búgin biz josparly túrde Jańa Almatynyń qalaǵa qosylǵan shaǵynaýdandarynda jaıly ómir súrý jaǵdaılaryn qamtamasyz etemiz. Sonymen qatar qoǵamdyq qaýipsizdik kúsheıtilip, polıtsııa beketteri jáne bıyl ekinshi ret órt sendirý deposy ashylýda», - dedi Baqytjan Saǵyntaev.

Jańa órt sóndirý deposynyń jalpy alańy 3524 sharshy metr 6 shaqyrylymǵa eseptelgen, oqıǵa ornyna deıin jol júrý ýaqytyn qysqartýǵa múmkindik beredi jáne Alataý aýdanynyń Indýstrıaldy aımaǵyn, onyń ishinde Saıaly, Kók-Qaınar, Tomırıs, Mádenıet shaǵynaýdandary men 71 razezdiń órt qaýipsizdigin qamtamasyz etý jónindegi jumystyń tıimdiligin arttyrady.

Aýdannyń belsendi damýyn eskere otyryp, órt sóndirýge arnalǵan tehnıkamen qatar, bólik arnaıy avtotehnıkamen jabdyqtalǵan, onyń ishinde bıik ǵımarattarǵa arnalǵan.

«Munda 131 qyzmetker jumys isteıdi. Bólimde negizgi jáne arnaıy maqsattaǵy 10 zamanaýı órt sóndirý avtomobılderi ornalasady. Jeke quram úshin turmystyq úı-jaılar, demalys bólmeleri, psıhologııalyq jeńildetý bólmesi, trenajer sport zaly qarastyrylǵan», - dedi Almaty qalasy TJD basshysy Rýslan Qasymbaev.

Kásibı daıyndyq úshin oqý-jattyǵý munarasy, kedergileri bar 100 metrlik jolaq bar. Sondaı-aq garnızon qyzmetkerleri úshin jataqhana men páterler qarastyrylǵan. Búgingi kúni qalada órtke qarsy qyzmettiń 18 bólimshesi jumys isteıdi.

Eske salsaq, bıylǵy jyldyń qyrkúıek aıynda Naýryzbaı aýdanynda jańa órt sóndirý deposy iske qosyldy.

Qazir Bostandyq aýdanynyń Nur-Alataý shaǵynaýdanynda órt sóndirý deposynyń qurylysy júrip jatyr.

«Jańa Almaty» keshendi josparyn oryndaý aıasynda Almaty ákimdiginen 33 birlik órt sóndirý avtotehnıkasy, órt sorǵy stantsııasy, eki órt sóndirý avtotsısternasy, 14 órt sóndirý avtotsısternasy, 7 jyldam áreket etý avtomobıli, jeńdik avtomobıl, avarııalyq-qutqarý avtomobıli, úsh ÝAZ avtomobıli, shaǵyn avtobýs, samosval, eki júk avtomobıli alyndy.