Almatyda jańa oqý jylynda kolledj stýdentterine arnalǵan 3 jataqhana ashylady

ALMATY. QazAqparat - Almaty jańa oqý jylynda kolledj stýdentteri úshin 510 myń oryndyq 3 jataqhana ashý josparlanyp otyr. Mundaı derekti ÓKQ alańynda ótken brıfıngte Almaty qalasy bilim basqarmasynyń basshysy Lázzat Jylqybaeva keltirdi, dep habarlaıdy QazAqparat tilshisi.

Spıkerdiń sózinshe, Almatyda barlyǵy 85 kolledj jumys isteıdi, onyń ishinde 23 memlekettik jáne 62 jekemenshik. Onda 80 205 stýdent bálim alyp jatyr.

«Jyl saıyn memlekettik tapsyrys kólemi ulǵaıady, eger 2021 jyly 11 405 oryn bolsa, aǵymdaǵy jyly - 16 500 oryn, ósim 5 095 oryndy nemese 44,6% qurady. Osynyń arqasynda tegin tehnıkalyq jáne kásiptik bilimmen qamtý 2021 jylmen salystyrǵanda 3 300 orynǵa nemese 10% - ǵa ósti (2021 jyly - 36 478 adam, 2022 jyly - 39 618 adam)»,- dedi basqarma basshysy.

Aıtýynsha qalada 32 jataqhana bar. Onda 3556 stýdent turady, onyń ishine 2500 tósek-orynǵa arnalǵan 12 memlekettik kolledj janyndaǵy 13 jataqhana, jáne JOO janyndaǵy jeke kolledjderdegi 1256 tósek-orny bar 19 jataqhana kiredi.

«Qazirgi ýaqytta qaladan tys turatyn stýdentterge arnalǵan stýdenttik jataqhanalarda oryn tapshylyǵy 2500-den astam. Bul máseleni sheshý boıynsha birqatar sharalar qabyldandy:

- bıyl naýryz aıynda Almaty qurylys-tehnıkalyq kolledjiniń irgeles aýmaǵynda 60 oryndyq jataqhanasy ashyldy;

- bıyl 12 shilde ákimdiktiń qaýlysymen Almaty sán jáne dızaın kolledjine 300 oryndyq jataqhanaǵa ǵımarat berildi;

- 2022 jyldyń sońynda 150 oryndyq servıstik qyzmet kórsetý kolledjine arnalǵan jataqhanaǵa arnalǵan 4 qabatty ǵımarat satyp alyndy. Búgingi tańda jataqhanada aǵymdaǵy jóndeý júrgizý úshin jergilikti bıýdjetten 70 mln teńge bólindi»,-dedi Lázzat Jylqybaeva.

Aıtýynsha, osy jyldyń 1 qyrkúıegine 510 tósek-orynǵa arnalǵan 3 jataqhana ashý josparda.