Almatyda jalpyqalalyq seısmojattyǵý ótedi

ALMATY. QazAqparat - Almatyda 2 jeltoqsan kúni jalpyqalalyq seısmojattyǵý ótedi. Bul týraly óńirlik kommýnıkatsııalar qyzmetiniń brıfınginde Almaty qalasy tótenshe jaǵdaılar departamenti basshysynyń mándetin atqarýshy Erlan Álibekov aıtty, dep habarlaıdy QazAqparat tilshisi.

Onyń aıtýynsha, osy jumada saǵat 11:00-de Almatyda josparly jalpyqalalyq seısmıkalyq oqý-jattyǵý ótedi. Ol jylyna bir ret uıymdastyrylady.

«Seısmıkalyq oqý-jattyǵý kúni tele jáne radıoarnalar sırenalyq qondyrǵylardy iske qosý arqyly qalalyq eskertý júıesi iske qosylady, «DARMEN» mobıldi qosymshasy arqyly push-habarlama jiberiledi», - dedi Erlan Álibekov.

Spıkerdiń sózinshe, seısmıkalyq oqý-jattyǵý boıynsha negizgi oqý orny ADK saýda oıyn-saýyq kesheni bolyp belgilendi, onda shatyrly lager, dala ashanasy, tamaqtaný jáne azyq-túlikpen qamtamasyz etetin pýnktter, halyqty ýaqytsha ornlastyrý jáne tirkeý oryndary daıyndalady.

Tótenshe jaǵdaılar departamentiniń ókili azamattyq qorǵaý qyzmetiniń barlyq jeke quramy adamdardy qutqarý jáne evakýatsııalaý, qırandylardan zardap shekkenderdi shyǵarý, órtti sóndirý, alǵashqy medıtsınalyq kómek kórsetý boıynsha is-sharalardy is júzinde pysyqtaıtynyn atap ótti.

Sonymen qatar, jer silkinisi kezinde halyqtyń is-áreketi boıynsha jadynamalar tarata otyryp, sondaı-aq TJ jaǵdaıyna dabyl dorbasy jasaqtaý boıynsha oqytý trenıngi ótkiziledi.

Qalada shartty túrde baspanasyz qalǵan adamdarǵy 384 qabyldaý pýnkti is júzinde ornalastyrylady.

«Seısmıkalyq jattyǵý sýyq mezgilde júrgizilip jatqandyqtan, turǵyndardy jyly kıinip evakýatsııalaýdy suraımyz. Seısmıkalyq oqý-jattyǵýdyń negizgi maqsaty – qala turǵyndarynyń tótenshe jaǵdaı kezindegi is-qımyldarǵa daıyndyq deńgeıin arttyrý, turǵyndar evakýatsııalaý joldaryn, qaýipsiz jerlerdi aldyn ala anyqtap, apattyq chemodandardy daıyndaý», – deıdi spıker.

Sondaı-aq ol megapolıs turǵyndary men qonaqtaryna túsinistikpen qarap, sabyr saqtaýdy surady.