Almatyda jalpyqalalyq seısmıkalyq oqý-jattyǵý ótedi
Almaty qalalyq tótenshe jaǵdaılar departamentiniń málimetinshe, osy beısenbi saǵat 11:00-de jylyna bir márte uıymdastyrylatyn jalpyqalalyq seısmıkalyq oqý-jattyǵý ótedi.
Al, qala uıymdarynda seısmıkalyq jattyǵýlar toqsan saıyn ótkiziledi. Birinshi toqsanda 2,8 myńnan astamy oryndaldy.
«Seısmıkalyq oqý-jattyǵý kúni tele jáne radıoarnalar sırenalyq qondyrǵylardy iske qosý arqyly qalalyq eskertý júıesi iske qosylady, «DARMEN» mobıldi qosymshasy arqyly push-habarlama jiberiledi»,- dep habarlady vedomstvodan.
Sonymen qatar, jer silkinisi kezinde halyqtyń is-áreketi boıynsha jadynamalar tarata otyryp, sondaı-aq tótenshe jaǵdaıyna dabyl dorbasy jasaqtaý boıynsha oqytý trenıngi ótkiziledi.
Seısmıkalyq oqý-jattyǵýdyń negizgi maqsaty – turǵyndardy evakýatsııalaý jolyn, qaýipsiz jerlerdi aldyn ala anyqtap, apat kezinde qajet chemodandardy daıyndaýy úshin qala turǵyndarynyń tótenshe jaǵdaılar kezindegi is-qımyldarǵa daıyndyq deńgeıin arttyrý.
Qalada shartty túrde baspanasyz qalǵan adamdarǵy 384 qabyldaý pýnkti is júzinde ornalastyrylady.
Barlyq bilim berý, densaýlyq saqtaý nysandary men adamdar kóp júretin saýda ortalyǵynda evakýatsııalaý úshin oqý elementteri ázirlenedi, onda TJD qyzmetkerleri ádistemelik kómek kórsetip, jer silkinisi kezindegi «10 qarapaıym qadam» jadynamasyn taratady.
Qaýipsiz oryndar – elektr jelileri men ǵımarattardan alys ornalasqan ashyq jerler.
Almaty 9-10 baldyq seısmıkalyq aımaqta ornalasqan. Jyl saıyn qalada 200-ge deıin álsiz, sezilmeıtin jer silkinisi bolady.
Bul rette kúshi 2-den 4 balǵa deıingi jer silkinisi - Almaty úshin fondyq rejım.
Seısmologııa ınstıtýtynyń boljam komıssııasynyń málimetinshe, jyl sońyna deıin qalada 7 jáne odan da kóp baldyq jer silkinisi bolmaıdy.
Sondyqtan júrgizilip jatqan qalalyq seısmıkalyq daıyndyq jer silkinisi bolady degen boljamǵa esh qatysy joq.
Departament ókilderi megapolıs turǵyndary men qonaqtaryna túsinistikpen qarap, sabyr saqtaýdy surady.