Almatyda jalpyqalalyq patrıottyq forým ótedi
Tuńǵysh Prezıdent kúnine oraı uıymdastyrylǵan is-sharanyń ótýine Almaty qalalyq «Jas Otan» jastar qanaty, Qazaq Memlekettik Qyzdar Pedagogıkalyq ýnıversıteti men «Almaty qalalyq mýzeıler birlestigi» KMQK mekemesi atsalysyp otyr.
Patrıottyq foýmnyń maqsaty - óskeleń urpaqtyń boıyna ulttyq qundylyq, otanshyldyq sana-sezimin qalyptastyryp, eldik tuǵyrdy qurmetteýge tárbıeleý, táýelsiz memlekettiń bolashaǵynyń jarqyn bolýyna aıanbaı eńbek etýge shaqyrý, jastardyń qoǵamdyq belsendiligin arttyrý, órkenıetti elderde dástúrge aınalǵan Tuńǵysh Prezıdent kúniniń qoǵamdyq-saıası, rýhanı-mádenı mańyzdylyǵyn nasıhattaý.
1 jeltoqsan - Tuńǵysh Prezıdent kúnine arnalǵan «Parasatty el kóshbasshysy» atty jalpyqalalyq patrıottyq forýmǵa Almaty qalalyq ákimdiginiń ishki saıasat basqarmasy, jastar saıasaty máseleleri jónindegi basqarma ókilderi, «Jas Otan» JQ Almaty qalalyq fılıalynyń tóraıymy Aıdana Sydyqova, «Memlekettik tilge qurmet» birlestiginiń tóraıymy, til janashyry, qoǵam qaıratkeri Asyly Osman, Almaty qalalyq máslıhatynyń depýtaty, «Baǵdarsham» jastar ortalyǵynyń tóraǵasy Asylhan Tólepov, saıasattanýshy, belgili jýrnalıst Dáýren Babamuratov, «Bolashaq» qaýymdastyǵy Almaty qalalyq fılıalynyń dırektory Qymbat Beısekına, «Jarasym» jastar assambleıasynyń tóraǵasy Rasýl Ahmetov, jas kásipker Áıbek Qýatbekov, Qazaq Memlekettik Qyzdar Pedagogıkalyq ýnıversıtetiniń Áleýmettik jáne tárbıe isteri jónindegi prorektory Záýresh Sabyrova, zııaly qaýym ókilderi, Almaty qalasynyń stýdenttik jáne jastar uıymdarynyń kóshbasshylary men G38 stýdenttik uıymynyń belsendi stýdentteri, túrli salalarda úlken tabystarǵa jetken talantty jastary (sport, óner, kıno, ǵylym, bilim, bıznes) men kásipkerleri jáne blogerler qatysady.
Forýmǵa qatysýshylar Qazaq Memlekettik Qyzdar Pedagogıkalyq ýnıversıtetiniń «Aqtumar» murajaıymen tanysady, qoǵam qaırtakerleri men ártúrli salada jetistikke jetken talantty jastar sóz sóılep, kontserttik baǵdarlamany tamashalaıdy.