Almatyda jalǵan avıabılet satyp kelgen áıel ustaldy
Almaty qalalyq Polıtsııa departamentiniń málimetinshe, 36 jastaǵy áıel qylmystyq is-áreketpen 2020 jyldyń qańtar aıynan bastap aınalysqan.
Onyń sońǵy áreketin polıtsııa 2021 jyldyń qazan aıynda tirkegen.
«Tergeý barysynda kúdikti ózin týrıstik kompanııalardyń biriniń qyzmetkeri retinde tanystyrǵany anyqtaldy. Ol klıentterdiń sengishtigin paıdalanyp, olardan ushaq bıletiniń qunyn alǵan jáne satyp alǵanyn rastaıtyn jalǵan bılet bergen.
Alaıda is júzinde mámile de jolaýshy bıleti de jalǵan bolyp shyǵady. Klıent óziniń aldanǵanyn tek ushatyn kúni tirkeý ornynda reıstiń jolaýshylar tiziminde joq ekenin bilgen kezde ǵana túsingen. Jábirlenýshilerden barlyǵy 12 aryz kelip tústi», – dedi Bostandyq aýdandyq PB janyndaǵy polıtsııa bóliminiń bastyǵy Ǵalymjan Qasymbaev.
Atalǵan qylmystyq isterdiń barlyǵy QR QK-niń 190-baby 3-bóliginiń 4-tarmaǵy (Alaıaqtyq) boıynsha tergelip jatqan bir óndiriske biriktirilgen.
Kúdiktiniń osyǵan uqsas qylmystarǵa qatysy bar-joǵy tekserilip jatyr.