Almatyda jalǵan 800 000 AQSh dollaryn satý deregi anyqtaldy
10:00, 17 Qarasha 2020
NUR-SULTAN. QazAqparat – Almatyda jalǵan 800 000 AQSh dollaryn satý deregi anyqtaldy, dep habarlaıdy QazAqparat QR Qarjy mınıstrligi Qarjylyq monıtorıng komıtetiniń baspasóz qyzmetine silteme jasap.
QR QM, Qarjylyq monıtorıng komıtetiniń Almaty qalasy boıynsha Ekonomıkalyq tergeý departamenti 100 AQSh dollary nomınalyndaǵy jalpy somasy 293 200 AQSh dollaryn quraıtyn 2 932 dana jalǵan shetel valıýtasyn birneshe ret satý faktisi boıynsha Almaty turǵynyna qatysty sotqa deıingi tergeý amaldaryn júrgizýde. Sonymen qatar, kúdikti jalǵan 600 000 AQSh dollaryn satý úshin saqtaǵan.
«Kúdikti azamatqa qatysty sottyń sanktsııasymen qamaýǵa alý bultartpaý sharasy qabyldandy. Ózge aqparat tergeý múddesine baılanysty jarııalanbaıdy»,-delingen habarlamada.