Almatyda zardap shekken kásipkerlerge 3,7 mlrd teńge qarjy tólendi
Qalalyq ákimdik taratqan málimetke sáıkes, shaǵyn jáne orta bıznes sýbektilerine múliktik zalaldy anyqtaý jónindegi aımaqtyq komıssııa otyrysynda kásipkerlerdiń jalpy somasy 633,6 mln teńgege 119 ótinimi maquldandy.
Onyń ishinde 520,3 mln teńge somaǵa 60 ótinim bıýdjet qarajaty esebinen, 113,3 mln teńgege 59 ótinim «Jańa Alataý» qaıyrymdylyq qorynyń qarjysynan tólendi.
«Almaty qalasy boıynsha (komıssııa jumysy bastalǵannan beri) barlyq kezeńde 3 774,1 mln teńge somaǵa 1009 ótinim maquldandy, onyń ishinde bıýdjet qarajatynan 2 796,2 mln teńge somaǵa 519 ótinim, «Jańa Alataý» qorynyń qarajysynan 977,9 mln teńge somaǵa 490 ótinim»,- delingen habarlamada.
Zardap shekken shaǵyn jáne orta bıznes sýbektilerinen ótinishteri InfoKazakhstan saıtyna kelip túsedi.
Búginde Almatyda zardap shekken 1413 ShOB sýbektisi anyqtaldy.