Almatyda zańsyz jasalǵan 490 myń bótelke ishimdik tárkilendi

ALMATY. QazAqparat - Almatyda jyl basynan beri 500 myńǵa jýyq qoldan jasalǵan ishimdik aınalymnan shyǵaryldy. Bul týraly qalalyq Memlekettik kirister departamentiniń baspasóz qyzmeti habarlady.

Departament mamandary jalpy somasy 247 mln teńge bolatyn 490 myń bótelke ishimdik pen 960 lıtr spırt qosylǵan suıyqtyqty aınalymnan tárkiledi.

Almatyda jalǵan  ishimdik ónimderin zańsyz satýdyń 74 deregi, qujatsyz satýdyń 105 deregi, jalǵan aktsızdik markalardy qoldanyp ishimdik satýdyń 4 deregi áshekerelendi.

Atalǵan derekter boıynsha is materıaldary sotqa jiberildi.

«Alkogoldi ishimdikterdiń túpnusqa ekendigin Wipon mobıldi qosymshasy arqyly tekserýge bolady. Qosymshany iOs, Android jáne Windowsphone júktep alýǵa bolady. Skannan ótken soń ishimdiktiń qaı zaýytta, qashan óndirilgeni týraly aqparat shyǵady. Bul aqparat shuǵyl túrde QR Qarjy mınıstrligi Memlekettik kirister komıtetine jiberilip otyrady», - dedi departamenttiń baspasóz qyzmetinen.