Almatyda zańsyz salynyp jatqan taǵy 3 turǵyn úı kesheni tabyldy
Qala qurylysyn baqylaý basqarmasynyń málimetinshe, turǵyn úı keshenderiniń qurylysqa qajetti tolyq qujattary joq.
ORDA CITY» turǵyn úı kesheni. Terekti yqshamaýdany, Aınalmaly kóshesi, 183 mekenjaıynda ornalasqan. Tapsyrys berýshi: «Investment Stroy» JShS.
Qurylys-montajdaý jumystarynyń bastalýy týraly habarlama jáne joba aldyndaǵy qujattamasy joq, ýchaskeni paıdalaný maqsaty - JTÚQ.
Basqarma qurylys salýshyǵa QR ÁQBtK-niń 316 baptyń 1-bóligi, 321 bap boıynsha shara qabyldap, qurylys-montaj jumystaryn toqtata turý týraly uıǵarym shyǵardy, sonymen qatar Almaty qalasynyń mamandandyrylǵan aýdanaralyq ekonomıkalyq sotyna qazanshuńqyrdy buzý jáne qaıta toltyrý týraly talap aryz joldady.
«Dostar Deluxe» turǵyn úı kesheni. Mádenıet shaǵynaýdany, 185/8 mekenjaıy boıynsha ornalasqan.Tapsyrys berýshi: «Ashınov» jeke káspker; Eskızdik jobasy kelisilmegen, qurylys-montajdaý jumystarynyń bastalýy týraly habarlama joq.
QR ÁQBtK-niń 316 baptyń 1-bóligi, 321 bap boıynsha shara qabyldandy.
Verona turǵyn úı kesheni. Remızovka, 7-jol 71 ýchaskesinde oralasqan. Tapsyrys berýshi: 5 jeke tulǵa. Qurylys-montaj jumystarynyń bastalýy týraly habarlama jáne joba aldyndaǵy qujattamasy joq.
Basqarma ókilderiniń aıtýynsha, búgingi tańda azamattardyń zańsyz turǵyn úı keshenderinen páter alý faktileri turaqty túrde anyqtalýda.
«3 qabatqa deıingi turǵyn úıler úshin úleskerlerden qarajat tartýǵa ruqsat talap etilmeıtin qoldanystaǵy zańnamany paıdalanyp, josyqsyz qurylys salýshylar jyljymaıtyn múlik satyp alýshy adamdardy jańylystyrýda. Jyljymaıtyn múlikti satyp almas buryn, qala qurylysyn baqylaý basqarmasynyń +7 (727) 229-81-36 senim telefonyna habarlasyp, salynyp jatqan turǵyn úı keshenderindegi qujattardyń tolyq paketin tekserýge keńes bermiz»,- delingen habarlamada.