Almatyda zańsyz dári-dármek daıyndaǵan astyrtyn tsehty uıymdastyrýshylar qamaldy

ALMATY. QazAqparat - Almatyda dári-dármek daıyndaıtyn astyrtyn tseh uıymdastyrǵan kúdiktiler ustaldy, dep habarlaıdy Qarjy monıtorıngi komıteti baspasóz qyzmetine silteme jasap.

Taıaýda komıtettiń Almaty qalasy boıynsha Ekonomıkalyq tergeý departamenti qyzmetkerleriniń 100 tonna kóleminde daıyn ónim saqtalǵan jalǵan dári-dármek jasaıtyn úlken astyrtyn tsehti anyqtaǵan bolatyn.

«Osy is boıynsha astyrtyn tsehty uıymdastyrýshy, onyń kómekshisi jáne deldal anyqtalyp, ustaldy. 26 shildede Almaty qalasy mamandandyrylǵan aýdanaralyq tergeý sotynyń tergeý sýdıasy olarǵa qatysty 2 aı merzimge qamaýǵa alý túrindegi sharany sanktsııalady», delingen habarlamada.

Qylmystyq kodekstiń 222-babynyń 1 bólimi (taýar belgisin zańsyz paıdalaný), 323-babynyń 2-bólimi 1, 3 tarmaǵy (jalǵan dárilik zattarmen nemese medıtsınalyq buıymdarmen jumys isteý) jáne 262-babynyń 1-bólimi 2-tarmaǵy (uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý) boıynsha qylmystyq is tirkeldi.