Almatyda ıÝrıı Pomerantsevtiń 100 jyldyǵyna arnalǵan eske alý keshi ótedi

ALMATY. QazAqparat - 15 aqpanda Almatyda aty ańyzǵa aınalǵan teatr jáne kıno akteri, rejısser, Qazaqstannyń Eńbek Eri ıÝrıı Pomerantsevtiń týǵanyna 100 jyl tolýyna arnalǵan kesh ótedi, dep habarlaıdy QazAqparat tilshisi.

Kesh barysynda ıÝrıı Pomerantsevtiń fotosýretteriniń kórmesi ashylady. Sýretterdi uıymdastyrýshylarǵa M. Lermontov atyndaǵy akademııalyq drama teatry men belgili fototilshi ıÝrıı Bekker usyndy.

Sondaı-aq rejısser Aleksandr Golovınskııdiń «Chehovty oınaımyz» fılminiń tusaý kesiledi.

ıÝrıı Pomerantsev 1923 jyly 11 aqpanda Ýkraınada, Kıev qalasynda týǵan. Biraz ýaqyt ótken soń onyń otbasy Qaraǵandyǵa qonys aýdarady.

Ákesiniń qazasynan keıin oǵan jáne onyń anasyna Máskeýge kóshýge týra keldi jáne sol jaqtan maıdanǵa attandy. Aýyr jaralanǵannan keıin, 1943 jyly ıÝrıı Borısovıch Almatyǵa kelip, óziniń akterlik mansabyn bastaıdy.

Akter teatr jáne kınoda ondaǵan rólderdi somdady.

Degenmen, kórermender ony Sháken Aımanovtyń «Bizdiń súıikti dáriger» kartınasyndaǵy bas keıipker Anatolıı Lavrovtyń rólinde jaqsy tanıdy. Akter eńbek jolynda 300-den asa róldi somdady. Halyq ártisiniń bar ǵumyry teatrmen baılanysty. Osy salada 75 jyl tynbaı eńbek etti. Onyń 66 jyly Almatydaǵy Lermontov atyndaǵy akademııalyq drama teatrynda ótti. 2018 jyldyń mamyr aıynda ıÝrıı Pomerantsevke eń joǵary dárejeli «Qazaqstannyń Eńbek Eri» ataǵy berildi.

Eske alý keshi Maqataev kóshesi, 88 mekenjaıyndaǵy «Rımon» evreı qoǵamdastyǵynda ótedi. Bastalýy saǵat 16:00. Shara barysynda onyń áriptesteri sahna korıfeıi týraly estelikterimen bólisedi. Ekspozıtsııanyń kýratory - Natalııa Starygına.

Aty ańyzǵa aınalǵan akter ıÝrıı Pomerantsev ótken jyldyń naýryz aıynda qaıtys boldy.

Foto: tl.kz