Almatyda volonterler alleıasy ashyldy
«Eriktiler alleıasy» Jetisý aýdanynyń «Gúlder» saıabaǵynda ashyldy. Іs-sharaǵa 20-dan astam volonter uıymynyń jetekshisi men belsendi músheleri qatysyp, shyrsha aǵashynyń kóshetterin otyrǵyzdy.
«Elimizde ashylyp jatqan alǵashqy «Eriktiler alleıasynyń» sımvoldyq máni erekshe. Birinshiden, qala ekologııasyna jáne kógaldanýyna úles qosý. Ekinshiden, koronavırýs pandemııasy kezinde qala turǵyndaryna kómek kórsetip, eńbek etken eriktiler uıymdaryn qala turǵyndaryna tanytý, dáripteý.
Sharany ótkizýdegi basty maqsat – «Eriktiler jylynyń» aıasynda qalamyzdaǵy barlyq belsendi eriktiler uıymynyń basyn biriktirý. Qala ákiminiń «Jasyl Almaty» jobasyn júzege asyryp, ekologııamyzdyń jaqsarýyna úles qosý. Alleıa jyldan-jylǵa jańa aǵashtarmen tolyǵyp, eriktiler uıymynyń sany arta beredi degen oıdamyn. Atalmysh ıdeıany júzege asyrýǵa qoldaý kórsetken qalalyq Qoǵamdyq damý basqarmasyna alǵys bildiremiz»,– deıdi Almaty qalalyq «Jas Otan» Jastar qanatynyń tóraǵasy Mádı Ahmetov.
Alleıanyń saltanatty ashylý jıynyna Jetisý aýdany ákimdigi ókilderi, aýdan aqsaqaldary men máslıhat depýtattary qatysty.
Shara barysynda barlyq karantındik sharalar saqtaldy.