Almatyda velojarysqa baılanysty keıbir joldar jabylady

ALMATY. QazAqparat - Almatyda 6 tamyz kúni áýesqoı velosıpedshilerge arnalǵan Tour of World Class Almaty velojarysy ótedi, dep habarlaıdy QazAqparat tilshisi.

Velojarys «ALMATY ARENA» kópfýnktsıonaldy kesheniniń aýmaǵynan bastalady.

Tour of World Class Almaty uıymdastyrý komıteti megapolıs turǵyndary men qonaqtaryna velojarys kúni jarys ótetin jerlerdegi jol bólikterinde qozǵalys ishinara jabylatynyn habarlady.

Foto: Tour of World Class Almaty uıymdastyrý komıteti

Kólik qozǵalysy myna kóshelerde shekteledi:

Momyshuly kóshesinen Dospanova kóshesine deıingi ALMATY ARENA-ǵa irgeles joldyń qysqa bóligi 6 tamyzda saǵat 02:30-dan 17:30-ǵa deıin eki baǵytqa da jabylady.

Dospanova kóshesimen aınalma joldan Adnan Menderes kóshesine deıingi qozǵalys eki baǵytta da saǵat 06:00-den 09:50-ge deıin jabylady.

Momyshuly kóshesi boıynsha Adnan Menderes kóshesinen Móńke Bı kóshesine deıingi qozǵalys 06:00-den 09:50-ge deıin jabylady.

Momyshuly kóshesinen Móńke bı kóshesi boıymen Momyshuly kóshesiniń jalǵasyna deıingi qozǵalys 06:00-den 09:50-ge deıin jabylady.

Momyshuly kóshesi boıynsha Móńke Bı kóshesinen Úlken Almaty kanaly boıy kóshesine deıingi qozǵalys 06:00-den 09:50-ge deıin jabylady.

ÚAK boıy kóshesindegi Momyshuly kóshesi boıymen Ekologııalyq beketke deıingi qozǵalys 06:00-den 09:00-ge deıin jabylady.

Indýstrııalyq aımaqtyń aınalasyndaǵy qozǵalys 06:00-den 09:00-ge deıin jabylady.

«Derekter velojarysqa qatysýshylardyń qozǵalys ýaqytyn utymdy bólýdi eskere otyryp engizildi. Joldardyń jabylýyn eskere otyryp, ońtaıly marshrýtty tabý úshin 2GIS qosymshasyn paıdalana alasyz. Іs-shara ótetin kúni qoǵamdyq kólik qúndelikti rejımde jumys isteıdi jáne oǵan jeke jolaq bólinedi», - dep habarlady uıymdastyrýshylar.

Jarysqa qatysýshylar jetistikteri men tabandylyǵyn bildiretin medaldarmen marapattalady. Absolıýtti sanatta 48,5 shaqyrym qashyqtyqta erler men áıelder arasyndaǵy eń jyldam sportshylar tek qurmetti ataqqa ǵana emes, aqshalaı syılyqtarǵa da ıe bolady:

Birinshi oryn – 100 000 teńge, ekinshi oryn – 80 000 teńge jáne úshinshi oryn – 60 000 teńge. Ár túrli jas sanattaryndaǵy 48,5 shaqyrym, 33,5 shaqyrym jáne 14 shaqyrym qashyqtyqtaǵy jeńimpazdar seriktesterdiń medal jáne baǵaly syılyqtarymen marapattalady.

Jarys ýaqyty:

6:00 – 48.5 km tasjol velosıpedteri

6:05 – 33.5 km tasjol velosıpedteri

6:11 – 33.5 MTB velosıpedteri

9:10 – 14 km balalar qashyqtyǵy.