Almatyda velosıped bekitkishi bar avtobýstar paıda boldy

ALMATY. QazAqparat - Almatyda velosıpedterge arnalǵan mobıldi ári tegin turaq paıda boldy. Mundaı bastama Qazaqstanda alǵash ret engizilip otyr, dep habarlaıdy QazAqparat tilshisi.

Avtobýstyń aldyńǵy bóligine ornatylǵan qurylǵyǵa velosıpedti ornalastyrýǵa bolady. Osylaısha velosıpedshi alys jerlerge avtobýspen jetip alyp, saparyn ary qara velosıpedimen jalǵastyrýge múmkindigi bar.

Innovatsııalyq joba Qazaqstanda buqaralyq velosportty  damytýǵa oń yqpal etedi. Almaty qalasynyń ákimdigi bul bastamany Hoým Kredıt bankiniń qarjylyq qoldaýy arqasynda júzege asyrdy.

«Almatyda 23 km velosıped joly salyndy, alaıda olar  birimen biri ushtaspaıdy, sonyń saldarynan  velosıpedshiler qalanyń bir buryshynan ekinshi jaǵyna qınalyp jetedi. Bul máseleni sheshý úshin biz osy jobany jasadyq. Qazirgi kezde velosıped bekitiletin bekitkishter №29, №45 baǵyttaǵy avtobýstarǵa ornatyldy. Alǵashqy avtobýstar qalanyń ortalyǵy men shet aýdandaryn, saıabaqtar men Medeý aýmaǵyn baılanystyrady, bul jerlerde  qala turǵyndary men balalar  velosıped tebýdi jaqsy kóredi. Osylaısha, qoǵamdyq kólik arqyly velosıpedti qalaǵan jerine jetkizip, ári qaraı júre berýge bolady. Buǵan deıin velosıpedti avtobýstyń ishine kirgizip, alyp júrý qıyndyq keltiretin», - dedi Jolaýshylar kóligi jáne  avtomobıl joldary basqarmasynyń bastyǵy Maqsut Isahov. 

Aıta ketý kerek, velosıpedti alyp júrý qyzmeti tegin. Bekitkishter  Eýropa, AQSh, Reseı tájirıbelerin negizge ala otyryp, qoǵamdyq kólik úshin arnaıy jasaldy.

Qalalyq ákimdik bolashaqta velosportty damytý maqsatynda tıisti ınfraqurylym jasaqtaýdy josparlap otyr.