Almatyda vaktsına saldyrýǵa tıis halyqtyń sany - 1 mln 313 myń
Vıtse-premer qaladaǵy epıdemıologııalyq jaǵdaı boıynsha keńes ótkizdi.
Jıyn barysynda Almaty qalasy ákimniń orynbasary Ásem Núsipova halyqty vaktsınalaý barysy týraly baıandama jasady.
«Qalada vaktsına alýǵa tıis halyqtyń sany - 1 313 040 adam. 2021 jyldyń aqpan aıynan búginge deıin vaktsınanyń 1 komponentimen 1 228 761 adam, 2 komponentpen 1 194 146 adam egildi. 2021 jyldyń qarasha aıynan búginge deıin revaktsınatsııadan 499 043 adam ótti. Búgingi kúnge Pfizer vaktsınasymen 117 554 adam egildi»,- dedi qala ákiminiń orynbasary.
Ol sondaı-aq qalada 85 vaktsınatsııa pýnkti bar ekenin, quramynda 313 adam bar 99 ekpe brıgadasy jumys isteıtinin jetkizdi.
«Vaktsınanyń barlyq túriniń osy aıǵa qalǵan qaldyǵy boıynsha 1 komponentke — 64 094 doza, 2 komponentke — 90 605 doza, revaktsınatsııaǵa — 103 543 doza bar. Jalpy, 258 242 doza bar»,- dep atap ótti Ásem Núsipova.