Almatyda vaktsına alǵandar sany 1 mıllıonǵa jýyqtady

ALMATY. QazAqparat - Almaty qalasynda bir táýlikte 4272 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«19 qazan kúni 4272 almatylyq vaktsına saldyrdy. Koronavırýsqa qarsy ekpeniń І komponentin 1581, II komponentin 2691 adam aldy. Vaktsına saldyrǵandar sany boıynsha Almaty qalasy aldyńǵy orynda tur. Bıylǵy jyldyń 1 aqpany men 19 qazan aralyǵynda qalada 981 365 turǵyn vaktsınanyń birinshi komponentin, 917 766 adam ekinshi komponentin saldyrǵan. Olardyń ishinde 119 875 adamnyń jasy 60-tan asqan»,- dep habarlady basqarmadan.

Qalada 160 pýnkt jumys istep tur. 1 028 adamnan turatyn 237 egý brıgadasy bar.

«Qazir medıtsına uıymdarynda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady densaýlyq saqtaý basqarmasynyń baspasóz qyzmeti.