Almatyda vaktsına alǵandar arasyndaǵy utys oıynynyń jeńimpazdary anyqtaldy

ALMATY. QazAqparat- Almatyda saýda úıinde koronavırýsqa qarsy vaktsına alǵandarǵa baǵaly syılyqtar men sertıfıkattar tapsyryldy, dep habarlaıdy QazAqparat tilshisi.

22-31 mamyr aralyǵynda saýda úıiniń egý pýnktine kelip koronavırýsqa qarsy vaktsına saldyrǵandar, utys oıynyna qatysýǵa múmkindik aldy.

Uıymdastyrýshylardyń aıtýynsha, jeńimpazdar kezdeısoq tańdaldy.

Barlyǵy 5 júlde oınatyldy: ІRhone 12 smartfony, Samsung Galaxy A02 telefony, Starbucks jelisinen, Wendy's meıramhanasyna sertıfıkattar, sondaı-aq kádesyılar ortalyǵynan sertıfıkattar berildi.

Bas júlde ІRhone 12 smartfonyn almatylyq Darıa Sýrgýtanova utyp aldy.

«Men koronavırýsqa qarsy vaktsınany syılyq utyp alý úshin saldyrǵan joqpyn. Bul – meniń sanaly tańdaýym. Ózimniń jáne jaqyndarymnyń aýyrǵanyn qalamaımyn. Meniń oıymsha, bul - keremet múmkindik. Tegin vaktsına alyp, aýrýǵa qarsy turý bárimizdiń qolymyzdan keledi. Sondyqtan men qala turǵyndaryn ekpe alýǵa shaqyramyn», - dedi Darıa Sýrgýtanova.

«TsÝM» saýda úıinde vaktsına saldyrǵandardyń bárine kıim, aıaq kıim, saǵattar, uıaly telefondar, aksessýarlar, zergerlik buıymdardy satyp alýǵa úlken jeńildikter qarastyrylǵan.

Aıta keteıik, qalada Qamqor aktsııasy jumys isteıdi.

Qala turǵyndary men qonaqtary vaktsına alǵany týraly tólqujatyn kórsetken kezde kásipkerlerden taýarlar men qyzmetterge jeńildikter ala alady.