Almatyda vaktsına alǵandar arasynda shetelge joldama oınatylady

ALMATY. QazAqparat - Almaty qalasy Jetisý aýdanynyń ákimi Gúlnar Kókebaeva «Vaktsına al - júlde al» aktsııasy týraly aıtty, dep habarlaıdy QazAqparat tilshisi.

Almatyda koronavırýsqa qarsy ekpe alǵandar arasynda utys oıyny oınatylady.

Basty syılyq - Birikken Arab Ámirlikterine joldama. Bul týraly Jetisý aýdanynyń ákimi Gúlnar Kókebaeva Instagram paraqshasynda jazdy.

«Qurmetti Jetisý aýdanynyń turǵyndary men qonaqtary! Bizdiń «vaktsına al - júlde al» naýqanymyz jalǵasyn taýyp otyr. Ekpeniń birinshi komponentin saldyryp, BAÁ-de eki adamnyń demalysyna joldama utyp alý múmkindigine ıe bolyńyz. Sertıfıkatty ózińizge qolaıly ýaqytta paıdalaný múmkindigimen beriledi. Naýqan 24 maýsymda bastalyp, 11 shildege deıin jalǵasady. Jeńimpazdardy tikeleı efırde anyqtaımyz»,- dep jazdy ol.

Búgingi kúni 386 222 almatylyq vaktsına saldyrǵan.