Almatyda úzdik polıtseıler marapattaldy

ALMATY. QazAqparat - QR Tuńǵysh Prezıdenti kúnine oraı Almaty polıtsııasynyń 100-den astam qyzmetkeri marapattaldy, dep habarlaıdy QazAqparat tilshisi.

Mereke qarsańynda Almaty qalasynyń 100-den astam polıtsııa qyzmetkeri ІІM men PD basshylyǵynyń Qurmet gramotasymen, tósbelgi, alǵys hatymen marapattaldy.

Shara barysynda Almaty qalalyq polıtsııa departamentiniń basshysy Qanat Taımerdenov áriptesterin 1 jeltoqsan - Tuńǵysh Prezıdent kúnimen quttyqtady.

«Qurmetti áriptester! Sizderdi Tuńǵysh Prezıdent kúnimen shyn júrekten quttyqtaýǵa ruqsat etińizder. Bizdiń Otanymyz Qazaqstan Respýblıkasy damyp, nyǵaıyp, gúldene bersin jáne bul mereke sizderdiń júrekterińizdi memleket úshin maqtanysh sezimine bólensin, birlik pen túsinistik tileımiz. Sizderge jáne sizderdiń otbasylaryńyzǵa zor densaýlyq, baqyt, shyǵarmashylyq shabyt, Otanymyzdyń ıgiligi jolyndaǵy jemisti eńbek tileımin», – dedi Qanat Taımerdenov.