Almatyda «Úzdik oqýshy» baıqaýynyń qorytyndysy jarııalandy
Olardy qala ákimi Ahmetjan Esimov QR Tuńǵysh Prezıdenti kúnine oraı Respýblıka saraıynda ótken saltanatty keshte marapattady.
«Qazirgi tańda jastarǵa elimizdiń jáne álemniń aldyńǵy qatarly joǵary oqý oryndarynda bilim alýyna barlyq jaǵdaı jasalǵan. Búgingi bilimdi jastardy erteńgi bilikti basqarýshylardy daıarlaý maqsatynda osydan 20 jyl buryn «Bolashaq» memlekettik baǵdarlamasyn bekitý Elbasynyń asqan kóregendiligi dep bilemiz. Qalamyzda da jastardyń ınnovatsııalyq bastamalary qoldaý taýyp, bilimdi de daryndy oqýshylarǵa jyl saıyn arnaıy grant usynylyp keledi. Búgin de bilim men ǵylym, shyǵarmashylyq pen óner salasynda jemisti jetistik kórsetken oqýshylardy marapattaıtyn bolamyz», - dedi Almaty qalasynyń ákimi Ahmetjan Esimov. Saltanatty rásim barysynda 148 oqýshynyń arasynan aqtyq synǵa súrinbeı jetken úzdik 26 oqýshyǵa arnaıy sertıfıkat, kitaptar toptamasy men zamanaýı planshet syıǵa tartyldy. Bul qurmetke ıe bolǵandar arasynda №147 gımnazııanyń 11-synyp oqýshysy Álisher Qabdoldanov, 159 gımnazııanyń 11-synyp oqýshysy Maqsat Ardaqov, №178 lıtseıdiń 10-synyp oqýshysy Aıkórkem Esmurzaeva, №35 gımnazııanyń 10-synyp oqýshysy Aqnur Berdibekova, №148 mektep-gımnazııanyń 10-synyp oqýshysy Aqsáýle Saıaqbaı, №143 jalpy bilim beretin mekteptiń 11-synyp oqýshysy Nazerke Musa bar.