Almatyda úıirmeler men sektsııalarǵa 60 myńǵa jýyq bala tegin qatysady
Qala basshysynyń sózinshe, Damu bala baǵdarlamasyna jergilikti bıýdjetten 16,2 mlrd teńge bólingen.
«Jalpy qabyldanǵan sharalardyń arqasynda 2025 jyldyń sońyna deıin tegin qosymsha bilim berýmen qamtý ósimi 25%-ǵa deıin ulǵaıady. Tegin úıirmelerge baratyn balalar sany 60 myńǵa jetedi», - dedi Erbolat Dosaev.
Sonymen qatar ol sapaly bilim berýdiń ajyramas bóligi synyptan tys bilim berý ekenin atap ótti. Bıyl maýsym aıynda Memleket basshysynyń qatysýymen Naýryzbaı aýdanyndaǵy balalarǵa arnalǵan Innovatsııalyq shyǵarmashylyq ortalyǵynyń ashylýy qalamyzǵa ǵana emes, búkil respýblıka úshin aıtýly oqıǵa boldy.
«Kelesi aptada Alataý aýdanynda osyndaı ortalyq ashylady. Bul biregeı nysandar balalardyń tanymdyq demalysynyń klassıkalyq jáne zamanaýı baǵytynyń birlesken mysaly. Qadamdyq qoljetimdilikti qamtamasyz etý aıasynda biz 2025 jyldyń sońyna deıin halyqaralyq standarttarǵa sáıkes keletin qosymsha bilim berýdiń taǵy 5 zamanaýı ortalyǵyn jańǵyrtýdy jáne salýdy josparlap otyrmyz», - dedi Erbolat Dosaev.